Shoferi i cili mbrëmjen e djeshme shkaktoi një aksident tragjik në Fier është arrestuar sot nga policia. Burime bëjnë me dije se personi i identifikuar me iniciale E. B., 29 vjeç, banues në Dërmënas, Fier, mbrëmjen e djeshme rreth orës 22:00, në aksin rrugor Hamil-Dërmënas, duke drejtuar automjetin tip “Audi”, ka përplasur të miturin 15 vjeç, banues në Hamil, i cili po udhëtonte me biçikletë, dhe është larguar nga vendngjarja.
Si pasojë e përplasjes i mituri ka ndërruar jetë rreth orës 02:00 në spitalin e Fierit.
Paraprakisht dyshohet se shkak i aksidentit është bërë mosrespektimi i sinjalistikave rrugore, shpejtësia përtej normave të lejuara ose parakalimi i gabuar.
29- vjeçari i arrestuar pritet të përballet me akuzën për veprën penale “Shkelja e rregullave të qarkullimit rrugor” dhe “Largim nga vendi i aksidentit”.
Discussion about this post