Nga Milano në Romë për dy orë, policia italiane transporton veshkën me Lamborghini

Një ngjarje e pazakontë, ka ndodhur në Itali ku protagonistë janë disa policë heronj.

Karabinierët duhet të transportonin një veshkë nga spitali Niguarda, i ndodhur në Milano, për në Lacio, Romë, ku do kryhej një transplantim urgjent.

E jashtëzakonshmja qëndron se policët përdorën një makinë sportive Lamborghini, e cila përshkoi mbi 600 km në dy orë, me një shpejtësi prej rreth 300 km/orë.

Arsyeja pse u zgjodh kjo mënyrë transporti ishte për të lënë të lirë helikopterët, në rast të ndonjë ngjarjeje të rëndë dhe të papritur.

Në fund, operacioni për transplantin e organit rezultoi i suksesshëm, falë dhe punës së efektivëve, të cilët u cilësuan nga të gjithë si heronj.