Pas dy vitesh parlamenti i Bullgarisë hoqi zyrtarisht veton ndaj Maqedonisë së Veriut, e vetmja pengesë për Shqipërinë dhe RMV në rrugën e hapjes së negociatave me BE. Ky vendim u mirëprit nga presidenti i Francës, Emmanuel Macron, vend që mban presidencën e BE-së. Macron nuk dha asnjë koment se kur Këshilli Europian mund t’i japë “dritën jeshile” Shqipërisë dhe Maqedonisë së Veriut për hapjen e negociatave.
“Dua të përgëzoj parlamentin bullgar për votën e sotme që i hap rrugën për mundësinë e heqjes së vetos dhe për fillimin e negociatave për Maqedoninë e Veriut dhe për rrjedhojë edhe për Shqipërinë. Do të punoj me çështje teknike të nevojshme për të formalizuar një marrëveshje në ditët në vijim me bullgarinë dhe Maqedoninë. Do të thosha se e gjithë makineria evropiane është e gatshme dhe doja të falënderoja kryeministrin e Bullgarisë, por edhe koalicionin e tij, të gjitha forcat politike për këtë votë. Nuk mund të thërrasim fitore, por gjithsesi është një hap përpara, tani drejtimin ia pasojmë presidencës së Republikës së Çekisë”, tha Macron.
Sheshimi i mosmarrëveshjes së Bullgarisë me Maqedoninë e Veriut e la topin në fushën e Këshillit Europian i cili ishte i mbledhur në Bruksel, në momentet kur Sofja zyrtare i dha fund vetos, duke vendosur me shpatulla pas murit 27 vendet e BE.
Discussion about this post