Duke folur gjetje të SHISH në lidhje me prodhimin e Bitcoin në Shqipëri, eksperti i kriminalistikës, Ervin Karamuço, ka ngritur alarmin. Ai ka thënë gjatë një interviste televiziveve se Shqipëria e lejon këtë biznes vetëm në mënyrë të licencuar dhe të deklaruar në konform me ligjin. Por, sipas tij duke dashur që të shmangen pagimit të energjisë, por edhe ligjit për të mos u kuptuar se kush i ka në përdorim, shumë persona edhe nga bota e krimit zgjedhin që këtë aktivitet ta kryejnë në mënyrë ilegale. “E para këta shmangin taksat, dhe e bëjnë për pastrim parash. Është e pagjurmueshme se kush e ka bërë.” tha Karamuço.
Sipas tij ky ishte edhe momenti që bëri policinë të alarmohej për përhapjen në masë të këtyre makinerive që prodhojnë monedha virtuale. Ajo që është më e rëndë, eksperti vlerëson se këto makineri po përdoren nga grupe kriminale për pastrim parash por edhe pagesa për vrasës.
“Kujtoj një vrasje tek “Rruga 5 Maj” dhe në këtë ngjarje u gjet edhe mining për prodhimin e Bitcoin. Këtu u dha alarmi në polici se ky aktivitet është i përhapur. Këtë SHISH e ka gjurmua, dhe e para bëhet në kuadër të pastrimit të parave nga grupet kriminale. Forma më e lartë e përdorimit të Bitcoin është për të paguar vrasësit me pagesë.” tha Karamuço. Raporti i SHISH zbuloi në raportin e fundit të publikuar, se në vendin tonë prodhohet Bitcoin, nga subjekte të palicensuara për këtë aktivitet. Merren objekte me qira, afër vendeve ku mundësia për të abuzuar apo vjedhur energjinë elektrike është më e lartë, por ka edhe raste ku ndërhyhet në matësit elektrikë.
Discussion about this post