Në një postim në facebook, kryeministri Edi Rama ka njoftuar vendimin se nga 1 korriku do të nisë aplikimi i gjobave për qeset plastike. Qeset plastike janë ndaluar të përdoren nga subjektet tregtare në vend që prej 1 qershorit. Sakaq, kreu i qeverisë ka shprehur kënaqësinë që qeset plastike po zëvendësohen me ato të letrës, ndërsa qytetarët, thotë ai, po përdorin trasta për pazar.
“Kënaqësia e qeseve prej letre në pazaret e ditës. Sa mirë të shohësh që përditë e më shumë tregtarë po zëvendësojnë qeset e dëmshme plastike, me qeset e shëndetshme të letrës, ndërsa shumë blerës po marrin trasta për Pazar. Kështu mbrojmë Shqipërinë e fëmijëve tanë nga dëmi i frikshëm i qeseve plastike mbi mjedisin dhe shëndetin. Në 1 korrik nis aktivizimi i gjobave!” – shkruan Rama.
Discussion about this post