Edhe pse kanë kaluar 3 javë nga ekzekutimi makabër me minë telekomandë në autostradën Tiranë-Durrës, autorët e vrasjes së Aleksandër Sadikajt ender janë jashtë radarit të Policisë së Shtetit.
Megjithatë kohët e fundit është zbuluar piostë e re hetimesh e cila lidheet me trafikun e drogës, konkretisht me trafikimin e 100 kg kanabis.
Nga të dhënat rezulton se viktima, sipas informacioneve të siguruara në rrugë operative, kishte porositur 100 kg kanabis në nëntor të 2016 në fshatin Buz në Memaliaj. Personat që ia shitën ishin me inicialet D. H., në bashkëpunim me D. M., kundrejt shumës 25 mijë euro
Këtë informacion blutë e kanë siguruar në tetor të 2017-tës, ndërsa kanabisi është marrë në nëntor të vitit 2016, por shuma e parave nuk iu dha pronarit të lëndës narkotike. Sipas informacioneve të siguruara në rrugë operative, porositës ishte Aleksandër Sadikaj.
Përveç hetimeve për të zbuluar momentin e vendosjes së lëndës plasëse si dhe identifikimin e autorëve, hetuesit kanë dyshime se pista kryesore e vrasjes së Sadikajt është prishja e pazareve të drogës.
Disa prej udhëtimeve te Sadikajt tregojnë lidhjen me një person nga Kuçova, i cili sipas të dhënave është i përfshirë në vitin 2013 në aktivitetin e lëndëve narkotike të kokainës dhe heroinës nga Shqipëria në Greqi.
Discussion about this post