Kanë kaluar 4 vite që nga përplasja e Fifit me Mentor Hazirin dhe gjërat mes tyre vijojnë të jenë po njësoj. Këngëtari i njohur ka qenë ditën e sotme i ftuar në emisionin “E diell” dhe ka treguar se ende nuk ka asnjë kontakt me Fifin duke e konsideruar si të parëndësishme arsyen e zënkës së tyre. I pyetur për detajet, Mentori tha se nuk ia vlen të flitet më për atë çështje.
“Nuk kam komunikim apo kontakte. Nuk ka qenë asgjë e rëndësishme. Ishte thjesht një votim te “Kënga Magjike” dhe nuk ia vlen të flasim për atë gjë”.
Lidhur me atë çështje, kujtojmë se në muajin mars të vitit 2018, Mentor Haziri mori vëmendjen e mediave për shkak të komentit të tij për performancën e Fifit dhe Mc Kreshës në “Këngën Magjike”.
“Thjesht ka qenë performanca më e dobët e festivalit, stonatura ka qenë e jashtëzakonshme. Mendoj që ka qenë një ndër performancat më të dobëta. Nuk ishte kënga e keqe vetëm se performanca nuk ka qenë për t’u lëvduar. Diçka ndodhi me Fifin dhe Kreshën me mikrofonin dhe dëgjuesin. Fifi nuk ka qenë në më të mirën e mundshme për shkak të stonaturës”.
Nga ana tjetër, dy vite më pas, në 2020 ata u ndeshën në një emision ku ishin të dy të ftuar e u duk sikur akulli mes tyre u shkri. I pyetur se përse nuk flet me kolegen e tij dhe nëse do pajtohej me të, Mentori tha: “Jemi përshëndetur kur kam ardhur këtu. Nuk është e vërtetë që nuk flasim, ajo është shumë e talentuar”. Më pas ai u përqafua me Fifin, por kjo e fundit nuk dukej shumë entuziaste. Kur Mentori tha se nuk është e vërtetë që nuk flasin, Fifi shtoi: “Vetëm se më shmangu më herët”.
Mirëpo, në 2021 në një intervistë kur u pyet për sherrin e famshëm Mentori u shpreh se nuk donte t’i bënte reklamë dikujt tjetër të parëndësishëm.
“Është shumë i parëndësishëm dhe nuk dua t’i bëj reklamë dikujt tjetër të parëndësishëm. Është i parëndësishëm, ndoshta nivel shumë i ulët i asaj bisede”.
Discussion about this post