Rastet e dhunës në publik vijojnë të përsëriten në rrugët e Tiranës. Në një video të publikuar së fundmi nga JOQ në rrjetet sociale duket një vajzë e cila përndiqet nga një person, i cili ka një telefon në dorë dhe e xhiron gjatë gjithë kohës. Nuk dihet nëse vajza njihet me personin në fjalë, por burri siç duket dhe në video vazhdon ta ndjekë në çdo hap të renë, i afrohet dhe në një moment e kap dhe nga flokët.
View this post on Instagram
Edhe pse kjo skenë është xhiruar në mes të ditës askush nuk ka ndërhyrë në ndihmë të vajzës. Në pamjet e publikuara duket dhe djalë që kalon rastësisht por ai zgjedh të mos ndërhyjë duke e lënë vajzën në mëshirë të përndjekësit.
Ende nuk ka asnjë reagim nga autoritetet në lidhje me ngjarjen.
Discussion about this post