Pas bllokimit të dy alpinistëve në Majën e Brijasit në Valbonë, reagon një nga alpinistët pjesë e grupit të tyre. Florian Sini në një lidhje telefonike për Ora News konfirmon faktin që njëri prej shokët e grupit ka thyer këmbën. Sipas alpinistit Sini, katër të bllokuarit në mal ishin pjesë e grupit me 7 veta që po ngjitnin majën e Brijasit.
“Ne ishim 7 veta. U ndamë në 2 grupe për të ecur dikush më shpejt dikush më ngadalë dhe e morëm informacionin pasi zbritëm në Valbonë. Njëri ka thyer këmbën ndërsa tjetri është mirë.
Ta dërguan një mesazh dhe një lokacion të vendit ku janë bllokuar. Nuk ka valë dhe nuk mund të komunikojmë në telefon me to. Ne morëm policinë në telefon, gjendja e personave nuk është e lehtë, vetëm një ndihmë nga ajri mund ta zgjidhë situatën.”-tha Florian Sini.
Discussion about this post