Një sulm me thikë ka terrorizuar qendrën e azilkërkuesve në jug të Gjermanisë. Mësohet se një burrë goditi me thikë një person dhe plagosi të paktën pesë të tjerë, njoftoi të hënën agjencia gjermane e lajmeve dpa. Sulmuesi thuhet se ka trokitur në dyert e dhomave të ndërtesës në Kressbronn, në liqenin e Konstancës, të dielën në mbrëmje. Kur banorët i hapën derën, ai i goditi me thikë, raportoi dpa.
Një burrë ka ndërruar jetë nga plagët e marra menjëherë, një i plagosur rëndë është dërguar në spital dhe katër të lënduar të tjerë janë dërguar në spital me ambulancë. Nuk dihet menjëherë nëse persona të tjerë janë plagosur.
Oficerët e policisë ndaluan një 31-vjeçar, emri i të cilit nuk u dha, përpara strehës së azilkërkuesve.
Discussion about this post