Është shoqëruar me përplasje mbledhja në Komisionin e Sigurisë Kombëtare. Deputeti demokrat Ervin Salianji ka replikuar me ministrin e Mbrojtjes, Niko Peleshi në lidhje me menaxhimin e situatës së zjarreve në vendin tonë. Me ironi, Salianji është shprehur se Peleshi nuk menaxhon dot dy mikrofona jo më të monitorojë dhe menaxhojë zjarret në vend.
“Imagjino si menaxhoni zjarret ju kur nuk menaxhoni dot dy mikrofona këtu. Ju nuk duhet të flisni këtu me një modesti sit ë jeni edukatore, thatë pak më parë se nuk ia vlen të kemi helikopterë sepse kanë kosto të madhe. Unë dua të pyes sa është kosto për një orë fluturimi. A ia vlen që të ketë kryeministri një charter me salltanete. Me charter personal që kushtojnë thuajse miliona euro në vit. Ju thoni ka kosto helikopteri atëherë pse na duhet ministri se edhe ai ka kosto. Na kërkoni ndihmë thoni hajde na jepni edhe ne nga një lopatë dhe të vijmë të fikim zjarre. Edhe zjarrfikësve, helikopter jo. Po ç’keni? Punonjës që t’i merrni votat? Pak më parë thatë që s’kemi këtë, s’kemi atë.”-tha Salianji.
Discussion about this post