Brenda pak ditësh mund të nisin negociatat e anëtarësimit të BE me Shqipërinë dhe Maqedoninë e Veriut dhe këtë e ka bërë të ditur komisioneri evropian për zgjerimin, Oliver Varhelyi. Ai është shprehur se Bullgaria e ka hequr veton dhe sipas tij tashmë të gjitha pengesat janë kapërcyer. Sipas mediave maqedonase Varhelyi, është shprehur se Maqedonia e Veriut dhe Shqipëria kanë ofruar gjithçka që kërkohet prej tyre, duke shtuar që tashmë BE duhet të bëjë punën e saj.
“Janë bërë shumë përpjekje për zgjidhjen e mosmarrëveshjes midis Bullgarisë dhe Maqedonisë së Veriut. Tani është koha që të gjitha plate e interesuara të hedhin hapin e fundit. Kam shumë shpresa se konferenca e parë ndërqeveritare me Shqipërisë dhe Maqedoninë e Veriut mund të mbahet brenda pak ditësh. Këto vende kanë ofruar gjithçka që kërkohet prej tyre. Ata janë gati, duhet të jemi dhe ne. Kemi një vendim në tavolinë që është miratuar nga Parlamenti bullgar. Të gjitha pengesat janë kapërcyer, BE duhet të ecë përpara” – u shpreh, Oliver Varhelyi.
Parlamenti bullgar i dha mandat më 24 qershor, Këshillit të Ministrave për të miratuar propozimin e Presidencës Franceze për heqjen e vetos për negociatat për Republikën e Maqedonisë së Veriut. Për projektvendimin e paraqitur nga Hristo Ivanov, kryetar i PG “Bullgaria Demokratike” (DB), votuan 170 deputetë, 37 ishin “kundër” dhe 21 “abstenuan”.
Discussion about this post