Një sherr me thika raportohet në Maliq. Policia njofton se ngjarja ka ndodhur rreth orës 17:10 në fshatin Bregas, Maliq.
Burime nga policia gjithashtu bëjnë me dije se në një lokal, gjatë një konflikti të çastit, dyshohet se janë dëmtuar me mjet prerës me njëri-tjetrin, personat e identifikuar me iniciale G. M., rreth 35 vjeç, banues në fshatin Bregas dhe B. P., 40 vjeç, i cili u transportua në Spitalin e Korçës dhe ndodhet nën kujdesin e mjekëve.
Personi i identifikuar me iniciale G. M., me dëmtime më të lehta trupore, aktualisht ndodhet i shoqëruar në Komisariat për veprime të mëtejshme procedurale.
Pritet që të plagosurit të merren në pyetje për të zbardhur shkakun e ngjarjes.
Grupi hetimor po punon për sqarimin e rrethanave të kësaj ngjarje
Discussion about this post