Kryeministri Edi Rama ka mbajtur takimin virtual të radhës, nën siglën e nismës “GATIPËRSHQIPËRINË”. Në fund të fjalës së tij, Rama u ka kërkuar të gjithë ekselentëve që marrin pjesë në takim që të tregohen të duruar dhe të presin për përgjigjen nga qeveria dhe vartësit e tij.
Në fjalën e tij, kreu i qeverisë ka bërë një batutë, duke përdorur vargun e tij të këngës “Tirona” që ka bërë në bashkëpunim me grupin West Side Family.
“Bëni durim dhe mos u tërhiqni nëse shihni se ka vonesa. Se mund të bëni komunikimin me ministrat dhe më pas mund të shihni që u harruat apo diçka që nuk ndodh. Informoni Borën. Çdo gjë mund të ndodhi se jetojmë në Tironë, e dini vetë ju…,”-tha Rama në fund të fjalës së tij.
