Kompania “GEGA CENTER GKG” sh.p.k përfiton çdo muaj nga një tender pa garë nga institucionet në vend, pa llogaritur këtu tenderët e tjerë. Pronari Paulin Gega, i cili e ka ndarë këtë kompani në disa degëzime të tjera, merr pjesë në çdo tender ku bëhet fjala për shitje karburanti. Aq marrëdhënie të mira ka krijuar Paulin Gega me qeverinë, sa të gjithë institucionet kanë si prioritet kompanitë e tij. Të njëjtën gjë ka bërë këtë herë Bashkia Berat. Edhe pse renditet si në një nga bashkitë më problematike për financat, nuk ka ngurruar që 220 milionë lekë t’i shpenzojë për karburant.
Në Agjencinë e Prokurimeve është publikuar dokumenti i tenderit me objekt “Blerje karburanti për nevojat e administratës së Bashkisë Berat”, për të cilin është lënë në dispozicion fondi prej 22 .458 332,00 lekë të reja, ose 220 milionë lekë të vjetra. Në të dhënat e publikuara evidentohet se, ka paraqitur ofertë vetëm kompania e “GEGA CENTER GKG” me administrator Flamur Makishtin, por pronari është Paulin Gega. Referuar ligjit të prokurimeve publike, Bashkia Berat duhej të kishte pezulluar procesin, pasi duhen më shumë se 2 operatorë pjesëmarrës që të vazhdojë gara. Por, duke qenë se askush nuk mund “të bëj dysh” kërkesën e Paulin Gegës, Bashkia Berat ka shpallur vetëm pak javë më pas fituese kompaninë e tij. Në këtë proces është cenuar konkurrenca e lirë dhe Open Data Albania e ka klasifikuar atë si tender me Red Flag, çka do të thotë që është abuziv.
“E trembur” nga ndikimi dhe lidhja që ka Paulin Gega me qeverinë tonë, Bashkia Berat e ka shpallur fituese ofertën e tij edhe pse vlera e saj është 100% sa fondi limit, pra 220 milionë lekë. Në këto pika, ky projekt ka cenuar gjithashtu rregullat për fondin limit. Të gjitha këto të dhëna tregojnë edhe njëherë hapur monopolin që kanë krijuar disa kompani të mëdha në tregun e karburanteve, duke shfrytëzuar raportet që kanë me qeverinë.
Kjo ndodh pasi këta oligarkë kanë ndërtuar një sistem të tillë, që të mund të përfitojnë pjesë në çdo tender. Për shembull Paulin Gega posedon dhe kompani të tjera të binjake që merre me tregtimin e karburanti si Gega Oil” sh.a”. Kështu, për të mos rënë në sy se merr pjesë në çdo tender, ai përdor këto degëzime dhe shpesh herë garon në bashkëpunim me kompani të tjera, çka i siguron atij fitoren në çdo garë. Ndërsa kujtojmë se Paulin Gega është vepra penale si “Evazion fiskal” ne shuma të mëdha, “Fshehja e të ardhurave”, “Ndryshimi në aparatet matëse”, por që deri më sot ndaj tij nuk është aplikuar asnjë masë. Madje çdo ditë dalin hapur fakteve që SPAK dhe institucione të tjera mund t’i përdorin për të nisur hetimet ndaj pasurisë së familjes “Gega”, por askush nuk guxon të veprojë ndaj tyre.
Discussion about this post