Në një intervistë për mediat, ish-zv.kryeministri, Erion Braçe ka folur për herë të parë mbi arsyet e largimit të tij nga qeveria. Braçe tha se ndaj tij kishte pasur thika pas shpine. Ai shtoi se kryeministri Edi Rama kishte qenë i qartë në të tilla kushte ku kishte thënë se nuk mund ta ndante qeverinë me një tjetër person.
“Ishte zgjedhja ime që të mos isha në qeveri. Ka shumë arsye, një pjesë janë konsumuar mes meje dhe kryeministrit. Janë disa gjëra që mbase koha mund t’i tresë apo t’i nxjerrë në dritë më vonë. Janë disa gjëra që lidheshin me mua, që ia kam komunikuar kryeministrit. Kishte shumë gjëra që s’me pëlqenin, gjithmonë në raport me mua. Një prej elementëve janë këto thikat pas kurrizit. Pati një fushatë të madhe edhe për shkak të një çështje penale nga SPAK-u kundrejt një kryetari bashkie, që u hodh mbi mua mbi kurriz. Në atë periudhë s’mund të ndaja qeverinë me një person që e nxiste këtë gjë. Edi Rama ishte i qartë për çështjen, por në të tilla kushte s’kishte vend për dy, kishte vend për një” – u shpreh Braçe.
Discussion about this post