Në Kuvend po diskutohet sot akti normativ për kompensimin e çmimeve për materialet e ndërtimit. Gjatë fjalës së saj deputetja e Partisë Demokratike, Grida Duma tha se qeveria po kompenson kompanitë e mëdha që e kanë tregun të sigurt, ndërsa nuk ka asnjë kompensim për punëtorët.
Duma hodhi akuza ndaj qeverisë duke thënë se e ka dhënë gjithë vendin me koncesion e se nëpër komisione deputetët vihen rresht për të dhënë mendim pasi vendimi është marrë.
“Në Komisionin e Shëndetësisë u vendosën deputetë që si kisha parë herë të tjera. Për akte normative i kemi deputetët rresht, ky akt normative për materialet e ndërtimit është monipol-oligopol. Ju të majtë? E keni dhënë gjithë Shqipërinë koncesion, jemi mbledhur këtu sot për aksionerët e peshqve të mëdhenj. Ju nuk viheni në rresht për minimumin jetik, i keni lënë qytetarët të lypin. A do u shkojë punëtorëve ky kompensim te kompanitë e mëdha, jo thonë! Po ju që kurrë nuk vini nëpër komisione. Emrin e kontratave s’na e keni dhënë, vetëm 300 në total, ju po kompensoni kompanitë e mëdha sepse ato e kanë tregun e sigurt. Komisioni jep mendim pas marrjes së vendimit, “Salillari” e “Gjoka” marrin tendera e ju i kompensoni”, tha Duma.
Discussion about this post