Një ngjarje e pazakontë ka ndodhur në Kil, ku një burrë që u pagua 200 herë më shumë se rroga e tij, ka dhënë dorëheqjen dhe është zhdukur.
Punonjësi (identiteti i së cilit nuk bëhet i ditur), ishte ndjerë sikur kishte fituar lotarinë pasi u pagua 286 rroga nga punëdhënësit e tij, një kompani mishi e quajtur Cial, shkruanin mediat kilene.
Pas marrjes së rrogës së tij ku gabimisht u pagua një total prej 65,398,851 peso kilene ($170 000), në vend të rrogës së zakonshme prej 500,000 pesos ($500) ai u zhduk.
E përditshmja vendase ‘Diario Financiero’, shkruante se kur drejtuesit vunë re gabimin, punonjësi u kontaktua menjëherë për t’i kërkuar të kthente shumën e madhe.
Dhe normalisht ai kishte premtuar të shkonte në bankë mëngjesin e nesërm për të kthyer paratë. Por në një kthesë të papritur të ngjarjeve, ai nuk u pa në punë të nesërmen. Drejtuesit e shtangur tentuan të kontaktonin, por pa sukses. Ironikisht disa ditë më vonë, dikush tjetër dorëzoi një letër dorëheqjeje për llogari të kërkuarit, i cili nuk është parë më prej atëherë
Kompania e mishit tashmë po kërkon ndihmë ligjore për rikuperimin e parave, për të cilat ende nuk shihet asnjë gjurmë e dukshme.
Discussion about this post