Gazetarja Alba Kepi gjatë bashkëbisedimit virtual të mbajtur nga Sali Berisha më përfaqësues të diasporës u shpreh se tre janë çështjet që sjell në vëmendjen e Partisë Demokratike, çështja e medias, shpëtimi i identitetit kulturor e historik i Tiranës si dhe mungesa e një marrëveshjeje mes shtetit shqiptar dhe atij italian për pensionet.
‘Tre janë çështjet që dua të sjell në vëmendjen e Partisë Demokratike, dhe shpresoj të jetë në strategjinë e ardhshme të politikës së kësaj force. E para është çështja e medias, informacionit e gazetarisë, nuk ka një shoqëri demokratike, pa një media të lirë dhe të pavaruar, pa një media të pashantazhuar. Gjatë këtyre viteve të fundit kam përcjellë për mediat shqiptare skandale të shumta ku nga Italia, dosje të antimafias, dosje të hetuesve italian kanë pasur brenda tyre emrat e pushtetarëve, ministrave apo politikanëve shqiptarë të përfshirë në afera dhe në trafiqe të paligjshme. Partia Demokratike duhet të ketë në vëmendje figurën e gazetarit profesionist, të krijojë një qasje strukturore për të mbrojtur këtë figurë, për të pasur një gazetar jo të shantazhuar media sa më transparente. Vëmendja ime e dytë më dhemb gjendja në të cilën ndodhet qyteti im, dua të di qasjen që ofron PD për shpëtimin e identitetit kulturor e historik, për çmontimin e këtij qyteti që është mbushur me kulla të frikshme, i cili është bërë një vend, një territor lavatriçe i parave të pista. E treta, ndodhem në makinë, dhe sapo kam raportuar për mediat shqiptare, aktivitetin e emigrantëve në Romë. Ishin më shumë se 150 emigrant shqiptarë të cilët protestuan në këtë ditë simbol për të shprehur solidaritet me protestën e datës 7 korrik. Shprehin solidaritetin ndaj asaj çka do jetë protesta madhështore e 7 korrikut. Shumica e tyre kanë prerë biletën për të qenë krah jush në Tiranë. Nuk ka asnjë marrëveshje mes shtetit shqiptar dhe italian për të njohur të drejtën e pensioneve janë 70-80 vjeçare që kontribuan në Shqipëri dhe sot nuk kanë jetë dinjitoze” është shprehur gazetarja.
Discussion about this post