Kryetarja e LSI-së, Monika Kryemadhi i është rikthyer aferës së inceneratorëve. E ftuar në “5 pyetje”, Kryemadhi tha se kryeministri Edi Rama ka gënjyer në Komisionin Hetimor, pasi sipas saj nuk ka investim 128 mln euro në inceneratorin e Tiranës.
“Unë do ta filloja me një deklaratë të kryeministrit Rama në Komisionin Hetimor ku të gjithë shqiptarët e mbajnë mend në atë teatër ulërimat dhe pasthirrmash kur thoshte është kompani private e cila investon 128 milionë euro. Dhe në fakt në pamje të parë nuk asgjë të keqe një kompani private e cila investon 128 milionë euro për inceneratorin e Tiranës dhe Bashkia e Tiranës i blen shërbimin. Sot e kësaj dite pas kaq vitesh qeveria shqiptare në bashkëpunim me Drejtorinë e Koncesioneve në Ministrinë e Financave mbikëqyr të gjithë mbështetjen buxhetore që i jepet inceneratorit të Tiranës nga buxheti i shtetit dhe po kështu nga Bashkia e Tiranës. Në fakt po të hyjmë në gjithë këtë investigim që kemi bërë përveç dhënies së koncesionit në mënyrë të paligjshme nga Erion Veliaj për një angazhim 30-vjeçar. Ne na ka rezultuar se investimi prej 128 milionë eurosh nuk ekziston. Kjo do të thotë që kryeministri ka gënjyer në komisionin hetimor e para, e dyta ka gënjyer me dokumente ka gënjyer me të gjithë angazhimin me të gjithë fushatën publicitare për opinionin publik.”, tha Kryemadhi.
Discussion about this post