Tenda e kalçetos i mori jetën, detaje të reja nga vdekja e 22-vjeçarit në Sarandë

Armando Kazma, 22-vjeçar ka humbur tragjikisht jetën ditën e djeshme ndërsa ishte duke frekuentuar në mbrëmje një kalçeto në Sarandën.

Rreth orës 20:40 si rezultat i shirave me intensitet të lartë me rrebesh dhe erës së fortë u thyen hekurat anësorë të rrethimit të kalçetos tek Ura e Gajdarit duke shkaktuar shembjen e strehës duke goditur 22-vjeçarin.

Për ta nxjerrë nga rrënojat u angazhuan rreth 15 forca të MZSH-së, policia si dhe shokë të viktimës. Armando u nxor i gjallë nga rrënojat,  por për shkak të plagëve të marra ndërroi jetë rrugës për në spital.

Ngjarja është duke u hetuar si dhe po kryhen vlerësime të kushteve të sigurisë në këtë mjedis sportiv.