Kryetari i Partisë Demokratike Sali Berisha ka reaguar në lidhje me skandalin e inceneratorëve ku 2 pensionistë që jetonin në azil figuronin si pronarë të 30 milion euro që sipas Berishës i kishin kaluar nga mafia Rama-Veliaj.
Berisha ka ndarë videon nga momenti kur 2 pensionistët reagojnë pasi emri i tyre figuronte në listën e pagesave Berisha shkruan se kjo është e pashembullt dhe dyshja Rama-Veliaj duhet të mbajnë përgjegjësi.
“E pashembullt!!! Mafia Rama-Veliaj vodhi 60 milionë euro para të taksapaguesve që gjoja do të përdoreshin për ndërtimin e djegësit të Tiranës. Nga kjo shumë vendosi 30 milionë euro në bankë në emër të pensionistes 89 vjeçare Haxhire Gurakuqi, e cila prej dy vjetësh ndodhet në azil dhe nuk ishte marrë kurrë me biznes. Sapo sigurimet shoqërore u njoftuan për milionat e saj, Haxhires papritmas i ndërpritet pensioni. Ndiqeni intervistën e saj më poshtë” shkruan Berisha.
Afera e inceneratorëve u denoncua ditën e djeshme nga Kryetarja e LSI-së Monika Kryemadhi e cila publikoi dhe shifrat dhe listëpagesat ku përfshiheshin dhe dy pensionistët që jetonin në azil dhe nuk kishin dijeni për pagesat dhe llogaritë bankare.
Discussion about this post