Një ditë para protestës së thirrur nga Sali Berisha para selisë së qeverisë, ish-kryeministri ka deklaruar se situata është shumë e ndezur.
Në një prononcim për gazetarët, ai paralajmëroi se policia nuk duhet të provokojë protestuesit. Sipas tij, kushdo që pengon popullin opozitar do të marrë ndëshkim ligjor.
“Situata është jashtëzakonisht do të thosha e ndezur, pakënaqësia dhe urrejtja për këtë qeveri ka rrokur qiellin. Pandjeshmëria e saj është gjithashtu po kaq e madhe. Mos të harrojmë se një kauzë të drejtë asgjë nuk mund ta mposhtë. Ftoj çdo qytetar të këtij vendi të kontribuojë me praninë e tij në suksesin e protestës. Paralajmëroj të gjithë llojet e policive, se çdo presion, çdo qëndrim, çdo përpjekje për ti intimiduar për të dhunuar dhe penguar popullin opozitar do të regjistrohet dhe do të marrë ndëshkim personal të merituar ligjor. Paralajmëroj të mos provokojnë protestuesit”, tha Berisha.
Discussion about this post