Policia e Elbasan përgënjeshtron lajmin e rrëmbimit të djalit të Fatos Gosës, i cili njihet ndryshe si i forti i Peqinit. Në reagim, blutë e Elbasanit sqarojnë se nuk ka asnjë kallëzim pranë tyre për një ngjarje të tillë.
“Në lidhje me një lajm të publikuar në disa portale, që bën fjalë për 3 persona të maskuar që kanë tentuar të rrëmbejnë djalin e mitur të shtetasit F. G., në qendër të qytetit të Peqinit, ju sqarojmë se lajmi është i pavërtetë.
Nga verifikimet dhe deklarimet e familjarëve të djalit të mitur rezulton se ky lajm nuk është i vërtetë.
Theksojmë faktin se në Polici nuk ka patur asnjë kallëzim për një ngjarje të tillë.
Drejtoria Vendore e Policisë Elbasan kërkon mirëkuptimin e mediave që të kërkojnë informacion të plotë pranë DVP Elbasan, para se të publikojnë lajme për të cilat nuk kanë informacion të saktë.”-njofton policia.
Sjellim në kujtesë që në media u raportua që 10 ditë më parë në qendër të qytetit të Peqinit, persona të armatosur kanë tentuar të rrëmbejnë djalin e mitur të Fatos Gosës.
Discussion about this post