Një 38-vjeçar, i burgosur në burgun Nigritas në Selanik, është arratisur në mënyrë spektakolare pasi u dërgua për një kontroll në spitalin Gennimatas.
Sipas mediave vendase, 38-vjeçari, i cili ishte duke vuajtur një dënim për grabitje, kishte një vizitë të planifikuar më parë në spital dhe rreth orës 09:30 është arratisur edhe pse ishte i shoqëruar nga forca policie.
Sipas burimeve policore, gjatë ekzaminimeve, i arratisuri ka arritur të kalojë në një repart ngjitur me dhomën ku po vizitohej dhe të hidhej nga dritarja.
Hetimet paraprake për ngjarjen janë ndërmarrë nga Departamenti i Policisë së Kullës së Bardhë.
Discussion about this post