Mëngjesin e sotëm një masiv gurësh ka rënë në aksin rrugor Burrel-Klos, duke rrezikuar automjetet që lëviznin në orët e mëngjesit. Masivi i gurëve ka rënë në vendin e quajtur “Shkëmbi i kuq” në fshatin Suç. Fatmirësisht në momentin e shembjes nuk ka pasur automjete duke lëvizur.
Për më shumë se dy orë automjetet kanë qarkulluar në njërin kah lëvizjeje. Drejtuesit e automjeteve shprehen se prej 3 muajsh ky aks rrugor nuk po mirëmbahet, pasi nuk ka pasur asnjë ndërhyrje për pastrimin e kanaleve kulluese apo shërbime të tjera.
Ndërkohë pas dy orësh firma e cila ka fituar tenderin e mirëmbajtjes së rrugës bëri pastrimin e gurëve, ndërsa qarkullimi u monitorua nga policia rrugore, për shkak se masivi shkëmbor ishte në një zonë të rrezikshme dhe mund të bëhej shkak për aksidente. Shembje gurësh ka pasur vazhdimisht edhe në aksin Shkopet-Ulës e po ashtu edhe në aksin tjetër Klos-Qaf Bualli.
Discussion about this post