Zjarri në banesë ku vdiq foshnja 6-muajshe, policia jep detaje

Policia ka dhënë detaje se si ndodhi ngjarja e rëndë në Tiranë, ku një foshnjë 6-muajshe humbi jetën si pasojë e rënies së zjarrit në banesë.

“Sot, në orët e para të mëngjesit, në rrugën “Gani Domi”, ka rënë zjarr dhe është djegur plotësisht banesa e qytetares me inicialet J. L.

Si pasojë ka ndërruar jetë një foshnje 6-muajshe, ndërsa J. L., ndodhet në spital, nën kujdesin e mjekëve.

Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.”

Ndërkohë, kujtojmë se foshnja ka ndërruar jetë ne spital, ndërsa gjyshja është në gjendje të mirë. Nga hetimi i organeve kompetente mësohet se zjarri dyshohet të jetë shkaktuar nga një shkëndijë elektrike.