Këngëtarja Jessie J hoqi dorë nga muzika pasi u diagnostikua me sëmundjen ‘Meinere, e cila shkakton humbjen e dëgjimit.
Në postimin e fundit në Instagram këngëtarja shfaqet e përlotur teksa këndon dhe shpjegon për fansat gjëndjen e saj shëndetësore.
“Kënga e parë që këndova ishte ‘I want Love’. Duke dëgjuar veten teksa këndoj ndihem shumë e dobët dhe kjo më bëri të përlotem. Që nga ajo ditë nuk kam mundur të këndoj më, sepse ndjej dhimbje. Ka qenë shumë e vështirë për mua që të mos këndoj. Në kuptimin e plotë të fjalës kënga është jeta dhe lumturia ime. Të qëndruarit në heshtje është diçka që unë nuk e bëj mirë”, -është shprehur këngëtarja teksa këndon mes lotësh.
Jessie J e zbuloi sëmundjen dhjetorin e kaluar dhe prej atij momenti ajo është shkëputur nga karriera e saj muzikore.
