Dhunoi nënën dhe bashkëshorten, shpallet në kërkim 41-vjeçari nga Mallakastra

Një 41 vjeçar është shpallur në kërkim nga policia pasi akuzohet për dhunë në familje.

Sipas njoftimit të policisë, B. V., 41 vjeç, banues në Visokë, Mallakastër, është shpallur në kërkim pasi dyshohet se ka ushtruar dhunë ndaj bashkëshortes dhe nënës së tij.

“Specialistët për Hetimin e Krimeve në Komisariatin e Policisë Mallakastër referuan materialet në Prokurori dhe u shpall në kërkim shtetasi B. V., 41 vjeç, banues në Visokë, Mallakastër, pasi dyshohet se ka ushtruar dhunë ndaj bashkëshortes dhe nënës së tij”, njofton policia.