Një ngjarje e rëndë është shënuar mbrëmjen e djeshme në Durrës. Dy policë të cilët janë vendosur në patrullë gjatë mbrëmjes kanë dhunuar një qytetar të dehur i cili ishte duke udhëtuar me biçikletë.
Siç shihet edhe në videon e siguruar nga gijotina.com, burri identiteti i të cilit nuk dihet ende dhe ndodhej në gjendje të dehur shtyhet dhe goditet nga dy policë.
Në video dëgjohet, që dy efektivët e shtyjnë qytetarin e dehur të marrë biçikletën edhe pse ky i fundit nuk është në gjendje të flasë dhe të kundërpërgjigjet.
Njëri prej tyre, shihet teksa e dhunon duke e goditur në fytyrë. Qytetari nuk ishte pajisur me mjete të rrezikshme, po thjesht ishte në gjendje të dehur dhe bie pre e dhunës së policëve.
Teksa njerëz me precedent penale dhe me rrezikshmëri të lartë, enden të lirë, policia e shtetit vendos të kapë qytetarë të thjeshtë e të nxjerrin “mllefin” drejt tyre.
Discussion about this post