Një 34-vjeçar që theu arrestin në shtëpi me qëllimin për t’i marrë jetën ish-bashkëshortes është vënë në pranga nga policia në Sarandë. Bëhet e ditur se ngjarja ka ndodhur në lagjen nr.4, Sarandë ku K. H., i cili kishte konflikt me ish-bashkëshorten 31-vjeçare dhe bashkëjetuesin e saj, dhe kërcënoi t’i vriste me armë zjarri.
Më pas, 34-vjeçari u vu në pranga dhe gjatë kontrollit fizik, policia i gjeti dhe i sekuestroi në cilësinë e provës materiale, një armë zjarri pistoletë me fishekë në fole, gati për qitje. Po gjatë këtij operacioni, u arrestua edhe bashkëjetuesi i gruas, I. J., 55 vjeç, pasi gjatë kontrollit fizik, iu gjet dhe iu sekuestrua një përforcues grushti.
Materialet i kaluan Prokurorisë pranë Gjykatës së Rrethit Gjyqësor Sarandë, për veprat penale ” Largimi i të burgosurit nga vendi i qëndrimit”, “Mbajtja pa leje e armëve, armëve shpërthyese dhe i municionit” dhe “Dhuna në familje”, në ngarkim të shtetasit K. H, si dhe “Prodhimi, mbajtja, blerja apo shitja pa leje e armëve të ftohta” në ngarkim të shtetasit I. J.
Discussion about this post