Zëvendëskryeministrja ukrainase Iryna Verechuk u ka bërë ditën e sotme thirrje civilëve në rajonin jugor të Khersonit të kontrolluar nga Rusia që të largohen menjëherë pasi forcat e armatosura ukrainase po përgatisin një kundërofensivë.
“Është e qartë se do të ketë luftime, do të ketë granatime artilerie…dhe për këtë arsye ne i bëjmë thirrje njerëzve të largohen urgjentisht”, tha Verechuk për televizionin shtetëror.
Ajo shtoi se nuk mund të thotë saktësisht se kur do të zhvillohet kundërsulmi. “Unë e di me siguri se nuk duhet të ketë gra dhe fëmijë atje dhe se ata nuk duhet të kthehen në mburoja njerëzore”, shtoi ajo.
Autoritetet në Kherson, të instaluara nga forcat pushtuese ruse, thonë se duan të mbajnë një referendum për shkëputjen e rajonit nga Rusia, por ende nuk kanë caktuar një datë. Kremlini pohon se e ardhmja e rajonit duhet të përcaktohet nga banorët e tij.
Discussion about this post