Cash dhe sende të çmuara/ Grabitësit bëjnë kërdinë në shtëpinë e ish-missit

Shtëpia e ish-miss-it, Agnesa Vuthaj, ka qenë shënjestër e një grabitjeje. Grabitësit kanë rrëmbyer qindra mijëra euro, para, cash dhe stoli në shtëpinë e bukuroshes kosovare.

Sipas raportit të policisë së Kosovës, ngjarja ka ndodhur rreth orës 12:45 në rrugën “Montana” në Lagjen Marigona në Çagllavicë, ku grabitësit vodhën mbi 100 mijë euro para të gatshme dhe rreth 300 mijë euro stoli të tjera.

Sipas këtij raporti, policia është njoftuar nga sigurimi i lagjes, pasi që Vuthaj nuk gjendej në shtëpi. Kjo është vlera marramendëse e parave dhe stolive që iu vodhën Agnesa Vuthajt. Shtëpia e ish miss-it të Kosovës, Agnesa Vuthaj, ka qenë cak i një vjedhjeje.

“Lidhur me këtë informatë është angazhuar njësia policore, ku e njëjta ka kontaktuar me sigurimin e lagjes dhe na njofton se persona të panjohur kanë hyrë me forcë në shtëpinë e Agnesa Vuthajt, ku kjo e fundit nuk është prezente dhe kanë vjedhur mbi 100 000 (njëqind mijë) Euro para të gatshme dhe diku rreth 300 000 mijë euro gjëra të çmueshme duke përfshirë, ari, orë dhe bizhuteri të ndryshme”, thuhet në raport.

Së fundmi, për ngjarjen është lajmëruar edhe Prokuroria. Policia e Kosovës ende nuk e ka thënë asnjë fjalë për këtë vjedhje.