Reperi i njohur Noizy ka folur më shumë për veten dhe planet e tij sot në një intervistë televizive. Gjatë intervistës ai shprehu dëshirën për të përfaqësuar Shqipërinë në Eurovision. Noizy tha me bindje se nuk do e linte Shqipërinë në baltë dhe se do të kishte shumë impakt.
“Do kisha dëshirë të shkoja në Eurovision. Do bëja maksimumin. Kam shumë fansa europianë dhe nuk do e lija Shqiperinë në baltë. Nuk e di si funksionon për të hyrë. Nëse dikush e sheh këtë video ta shohi me interesim të më fusin aty se do kem impakt dhe do shkojmë shumë lart. Më intereson të jem atje se ju garantoj se do bëhet diçka e madhe,” u shpreh reperi.
Kujtojmë se në koncertin e fundit Shqipëria garoi në Eurovision me këngëtaren Ronela Hajti, e cila këndoi këngën “Sekret”. Performanca e saj pati shumë vlerësime, por nga ana tjetër edhe një sulm kritikash, për fat të keq kënga nuk u kualifikua për në finale.
Discussion about this post