Britania e Madhe do të punësojë një oficer të Policisë Shqiptare në portin Dover me qëllim shkëmbimin në kohë reale të informacioneve në rastet kur në këtë port ka shtim të lëvizjes të shqiptarëve, për të paranduar në këtë mënyrë emigracionin e paligjshëm. Vendimi i autoriteteve britanike, u mor gjatë vizitës së drejtorit të përgjithshëm të policisë së shtetit, Gledis Nano.
Në fokus të takimeve me ligjzbatuesit britanike, ishte lufta ndaj krimit të organizuar, trafiqeve të ndryshme, emigracionin e paligjshëm dhe pastrimin e parave.
Kjo vizitë vjen pas vizitave të njëpasnjëshme të zhvilluara në SHBA, Gjermani, Greqi dhe Izrael, nga Drejtori i Përgjithshëm i Policisë së Shtetit Gledis Nano, për të forcuar akoma më shumë bashkëpunimin, rritjen e hetimeve dhe operacioneve të përbashkëta në luftën kundër krimit të organizuar dhe terrorizmit.
Discussion about this post