Po vadiste hashashin, kapet “mat” nga policia 20-vjeçari në Krujë (Emri)

Policia e Krujës ka arrestuar një 20 vjeçar, Erjon Elezaj, i cili ishte duke vaditur lëndët narkotike që kishte mbjellë në fshatin Bruz-Mal.

20-vjeçari ishte duke vaditur 124 bimë të dyshuara narkotike, në një zonë të pyllëzuar në Krujë.

Bimët narkotike janë asgjësuar nga shërbimet e Policisë, me anë të djegies bën me dije policia.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprën penale “Kultivimi i bimëve narkotike”.