SPAK zgjeron hetimet për rrjetin e spiunazhit iranian. Dyshohet se janë të përfshirë dhe shqiptarë. Referuar hetimeve të deritanishme të SPAK, mendohet se personat e vënë nën hetim kanë qenë të rekrutuar nga Ministria e Brendshme e Iranit. Burime pranë SPAK bëjnë me dije se nga hetimet ka rezultuar se ata po përgatisnin një rrjet agjenturor dhe kishin krijuar nja shoqatë në Shqipëri, ku qëllimi ishte marrja e informacioneve për jetesën e muhaxhedinëve që jetojnë në kampin, në Manëz.
Shoqata e krijuar drejtohej nga shtetasi Iranian Hasan Heyrani, ish anëtar i MEK.
Mësohet se shoqata e quajtur “ASILA”, krijuar rreth një vit e gjysmë më parë, ndodhet në katin e tretë të një vile, përballë shkollës “Gjon Buzuku”, në kryeqytet. Burime nga SPAK bëjnë me dije se shoqata ështe sekuestruar, të pakten deri në përfundim të hetimeve.
Gjithashtu, Prokuroria e Posaçme dhe antiterrori kanë marrë në pyetje si dhe kanë kontrolluar banesat, apo makinat e 11 personave të tjerë. Kontrollet ndaj ketyre personave janë bërë pasi ata dyshohet se, kryejnë aktivitet të ndaluar brenda territorit shqiptar për llogari të Organizatës Terroriste të Gardës Revolucionare të Iranit dhe shërbimeve sekrete të Teheranit.
Bëhet me dije se të gjithe të dyshuarit po mbahen në mbikëqyrje nga agjentët e antiterrorit në terren, në pritje të ndonjë mase sigurie apo vendimi për shpalljen e tyre non grata në vendin tonë, pasi deri më tani nuk ka asnjë vendim nga autoritet igjëzbatuese shqiptare.
Discussion about this post