Pas ngjarjes së rëndë në plazhin e Jalës, ku një gomone mori përpara 2 pushues teksa po laheshin në det, reagon dhe policia. Sipas policisë drejtuesi i mjetit lundrues, 37-vjeçari Gj.P, është arrestuar menjëherë pas ngjarjes që prishi qetësinë e pushuesve. Mësohet se të lënduar kanë mbetur dy të rinjtë, 31-vjeçari A.S dhe 25-vjeçarja E.Gj, të cilët janë transportuar në spital. Ndërkaq, sipas burimeve kanë mbetur 3 pushues të lënduar, njëri prej të cilëve në gjendje kritike për jetën.
“Sot, rreth orës 11:20, në plazhin e Jalës, shtetasi Gj. P., 37 vjeç, duke drejtuar një mjet lundrues tip (gomone), dyshohet se ka humbur kontrollin duke dalë në breg, ku si pasojë ka dëmtuar shtetasit A. S., 31 vjeç dhe E. GJ., 25 vjeçe, të cilët janë transportuar në spital, jashtë rrezikut për jetën. Drejtuesi i mjetit lundrues është shoqëruar në Komisariatin e Policisë Himarë, për veprime të mëtejshme.”- njofton policia.
Discussion about this post