Dalin të tjera detaje nga operacioni i SPAK në banesat e disa prej ish-muxhahedinëve të cilët dyshohen se janë pjesë e një celule terroriste, e cila do të kryente sulm në kampin e MEK, në Manëz.
Rezulton nga kontrolli në banesat e tyre janë sekuestruar pajisje të ndryshme elektronike, laptopë, telefona, USB, karta sim, pajisje përgjuese e transmetuese. Prokuroria po këqyr këto pajisje për të zbuluar edhe personat me të cilët ata bashkëpunonin, duke qenë se 300 ish-anëtarë të kampit kanë arritur të largohen nga Shqipëria. Nuk dihet nëse këta ish-anëtarë janë të përfshirë në sulme. Në dosje thuhet s epo bashkëpunohet me organet e huaja ligjzbatuese për të zbuluar nëse ata kanë qenë të përfshirë në akte terrori.
Më herët dolën dhe SMS-të mes anëtarëve të rrjetit të spiunëve të cilët flisnin për lëvizjet e tyre.
Një ndër mesazhet e shkëmbyera mes tyre është:
“Kam dy ditë në Tiranë, do ta kryejmë punën e djalit të Hajit Pejman. Ne do lëvizim në drejtimin që na keni thënë ju. Po presim lajme prej teje vëlla. Jemi 4 veta që kemi ardhur këtu me dy makina. Kemi këtu dy ditë dhe shokët e tjerë i kemi sistemuar në hotel. Unë dhe shoku im jemi në hotelin tjetër”.
Discussion about this post