Presidenti i KiE mirëpret vendimin e Maqedonisë së Veriut: Një hap vendimtar drejt BE-së!

Presidenti i Këshillit Europian, Charles Michel ka reaguar pasi  Parlamenti i Maqedonisë së Veriut ka miratuar propozimin francez.

Në një postim në rrjetin social Twitter, Michel thotë se votimi është vendimtar për Maqedoninë e Veriut dhe për BE-në.

Ai shprehet se e ardhmja e unionit është bashkë me Maqedoninë e Veriut.

“Votimi i sotëm hap rrugën për mbajtjen e konferencës ndërqeveritare me Maqedoninë e Veriut javën e ardhshme. Një hap vendimtar për Maqedoninë e Veriut dhe për BE-në. E ardhmja jonë është bashkë dhe ju mirëpresim krahëhapur”, ka shkruajtur Michel.