Bllokohet një anije në Qerret, dyshohet se ka lëndë narkotike

Një anije është ndaluar nga policia kufitare e Durrësit, pasi dyshohet se në të ka ngarkesë me lëndë narkotike. Gijotina.com raporton se ka qenë task forca që operon në portin e Durrësit, e cila ka shkuar pranë anijes për të ushtruar kontroll tek anija e dyshuar.

Burime nga Kapiteneria dhe policia kufitare në Durrës thanë për ABC se anija momentalisht po qëndron disa kilometra larg portit të Durrësit.

Policia ka informacione se një grup kriminal po vepronte për të trafikuar lëndë narkotike dhe ka sinjalizuar anijen të ankorohet deri në pritje të grupit të hetimit.