Furtunë arrestimesh në Portin e Durrësit në lidhje me rastin e një kontejneri me banane të ardhur nga Amerika Latine ku dyshohet se ishte fshehur një sasi lënde narkotike.
Policia bën me dije se në pranga janë vënë 20 persona, prej të cilëve 18 janë punonjës të forcës së sigurisë portuale, një punëtor në kompaninë që priste ngarkesën me banane dhe shoferi i po të njëjtës kompani.
Nga hetim ka rezultuar se kontejneri ka qenë i paplumbosur me plumbçe, një procedurë për sigurinë e tyre para kontrollit. Pasi është hapur kontejneri është vënë re se sipërfaqja e tij ka qenë e ngarkuar me arka me banane dhe se brenda tij mungonin disa arka.
Tashmë policia po vijon hetimet për zbardhjen dhe dokumentimin e plotë të kësaj ngjarje për të vënë para përgjegjësisë personat e tjerë të përfshirë në këtë skemë.
Discussion about this post