Kancelari gjerman Olaf Scholz ka bërë sot një deklaratë të fortë ndaj Rusisë. Në javët e fundi Kancelari po bën fushatë për një Bashkim Europian më të fortë dhe gjeopolitikisht përballë pushtimit rus të Ukrainës. Kështu, ditën e sotme në një shkrim për gazetën Frankfurter Allegemeine Zeitung, lideri gjerman i bëri thirrje bllokut të mbyllë radhët e tij në të gjitha fushat në të cilat vendet anëtare janë ndarë deri më tani, nga politika e migracionit deri te zhvillimi i një mbrojtjeje të përbashkët evropiane.
Scholz garantoi se qeveria e tij do të bënte lëvizje konkrete në muajt e ardhshëm për ta arritur këtë, raporton Al Jazeera. Sipas liderit gjerman, BE-ja është një antitezë e gjallë ndaj imperializmit dhe autokracisë, prandaj është një shqetësim për sundimtarët si presidenti rus Vladimir Putin.
Discussion about this post