Policia ka zbardhur më shumë detaje për tre viktimat nga atentati i sotme në Fushë Krujë. Brilant Martinaj dhe Diklen Vata, janë persona mjaftë të njohur për policinë dhe mediat, pasi janë me të shkuar kriminale, Ndërsa Besmir Hoxha është më pak i njohur për publikun, por jo për Policinë e Shtetit. Sipas të dhënave të fundit, Hoxha është i skeduar si person që ka pasur kontakte me individë të përfshirë në çështje të drogës në Tiranë. Por nuk dihet konkretisht se për kë bëhet fjalë. Ai ndodhej në mjet sot me dy persona të tjerë, por nuk dihet lidhja që kishte me Brilant Martinajn dhe as më Diklon Vatën.
Të tre emrat e sipërpërmendur mbetën viktima pasi makina e tyre u qëllua me breshëri plumbash në mes të ditës. 4 dyshohet se ishin atentatorët të cilët kanë qenë të maskuar, njëri prej tyre drejtues i mjetit i cili më pas u gjet i djegur tërësisht në fshatin Larushkë. Viktimat janë: Brilant Martinaj, Diklon Vata dhe Besmir Hoxha. Vata doli jashtë mjetit po u ekzekutua me breshëri plumbash, dy të tjerët u dogjën brenda mjetit. Tek makina e autorëve, identike me atë të viktimave, janë gjetur 1 armë automatike MP5 dhe 2 kallashnikovë.
Discussion about this post