FNSH dhe RENEA kanë nisur kontrollet në banesat në Fushë Krujë, mëngjesin e sotëm rreth orës 4:00, për të rënë në gjurmët e autorëve për vrasjen e trefishtë.
Kontrollet vijojnë, pasi dyshohet se bashkëpunëtorët dhe personat që kanë ndihmuar në atentat mund të jenë fshehur në zonat e Fushë Krujës.
Referuar dinamikës së ngjarjes, dyshohet se autorët janë vrasës me pagesë, kjo nisur edhe nga e shkuara kriminale e viktimave.
Pista kryesore ku është fokusuar grupi hetimor është larja e hesapeve dhe hakmarrja.
Autorët kanë vendosur lëndë djegëse në makinën, ku ndodheshin tre viktimat. Dyshohet se kjo është teknikë ushtarake, që përdoret në ushtri. Kjo ngre dyshime që autorët e masakrës kanë qenë të mirë përgatitur dhe me pagesë.
Dinamika e ngjarjes dhe hetimet paraprake
Në atentat, nga raportimet e gijotina.com dyshohet se kanë marrë pjesë 4 persona. Tre prej tyre kanë qenë duke lëvizur me një makinë “Volkswagen Passat” kanë zbritur dhe kanë qëlluar me breshëri plumbash në drejtim të tyre.
Policia gjeti në fshatin Larushkë një makinë të djegur e cila dyshohet se i përket autorë. Brenda makinës u gjetën edhe 3 armë të cilat janë përdorur për të ekzekutuar Martinaj, Hoxhën dhe Vatën.
Makina e viktimave, sipas burimeve të grupit hetimor ka marrë flakë nga breshëria e plumbave.
Si pasojë Martinaj dhe Hoxha u shkrumbuan brenda mjetit, ndërsa Vata kishte tentuar të largohej, por autorët e kthyen dhe e qëlluan duke e lënë të vdekur jashtë makinës.
Policia dhe RENEA kanë blinduar Larushkën dhe Niklën për të bërë të mundur kapjen e autorëve.
Discussion about this post