Një zjarr me përmasa të konsiderueshme ka rënë pas mesditës së kësaj të hëne në zonën e Peshtanit në Fier. Flakët kanë përfshirë një sipërfaqe të madhe toke të mbjellë me ullinj, dru frutorë si dhe hapësira të mbjella me drithëra.
Nga zjarri rrezikohet edhe një stallë me bagëti e cila ndodhet pranë zonës ku edhe ka rënë zjarri. 3 mjete zjarrfikëse të Fierit dhe gjithë efektivët e këtij reparti janë në luftë me flakët.
Në ndihmë të zjarrfikësve në terren janë shpërndarë edhe banorë të zonës, e ndërsa mësohet se kanë qenë këta të fundit kë kanë njoftuar për shpërthimin e flakëve.
Gjithashtu një tjetër zjarr masiv ka përfshirë fshatin Plug të Lushnjës mesditën e sotme. Ndihmuar dhe nga erërat e forta flakët rrezikojnë disa stane me bagëti. Në këto momente zjarri është duke djegur dhjetëra hektarë hamull. Forcat zjarrfikëse të Lushnjës dhe Patosit ndodhen në vendngjarje dhe po punojnë për shuarjen e flakëve.
Discussion about this post