Ministria e Brendshme ka reaguar lidhur me sulmin kibernetik ndaj e- albania që ka bllokuar aksesin e gjithë qytetarëve për të krye veprime online. Përmes një njoftimi për shtyp, Ministria e Brendshme me në krye Bledi Çuçi bëjnë me dije se kjo situatë do të jetë e përkohshme, për të cilën po kryente një kundërofensivë nga AKSHI për t’u kthyer në normalitet.
Ndërsa thekson se përjashtuar këtij rasti, që sipas ministrisë do te zgjidhet shume shpejt, Shërbimet qeveritare online janë histori suksesi.
Njoftimi mbyllet me një kërkesë për qytetarët për të mirëkuptuar situatën.
“Në vijim të komunikimit të mëparshëm të Ministrisë së Brendshme duam të theksojmë se njoftimi lidhet vetëm me shërbimet esenciale të Policisë së Shtetit dhe Gjendjes Civile të cilat do të ofrohen fizikisht pranë sporteleve përkatëse për qytetarët deri në përfundim të kundërsulmit. Kjo është një situatë tërësisht e përkohshme e diktuar nga sulmi kibernetik i sinkronizuar jashtë Shqipërisë, për të cilin po kryhet një kundërofensivë nga AKSHI dhe aleatët tanë për t’u rikthyer në normalitet shumë shpejt. Shërbimet qeveritare online janë një histori suksesi në Shqipëri pavarësisht ngërçit momental të krijuar prej sulmit kibernetik. Kërkojmë mirëkuptimin e qytetarëve për vështirësitë e krijuara”, njofton Ministria e Brendshme.
Discussion about this post