Një makinë është përfshirë nga flakët mëngjesin e sotëm në autostradën Tiranë-Durrës. Burime nga policia bëjnë me dije se automjeti ka marrë flakë teksa ka qenë në lëvizje.
Shoferi i mjetit është identifikuar me iniciale J.S., dhe raportohet se nuk është lënduar dhe ka shpëtuar mrekullisht pasi ka dalë nga mjeti në momentin që ka pikasur problemin teknik.
Theksojmë sërish se, si pasojë e zjarrit ka vetëm dëme materiale. Paraprakisht dyshohet se zjarri ka rënë si pasojë e një defekti në mjet.
Pritet të zbardhen detaje pas marrjes në pyetje të shoferit të mjetit për të mësuar rrethanat e incidentit.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
Discussion about this post