Ditën e djeshme është qëlluar me armë zjarri në drejtim të një lokali në Shkodër. Burime nga policia bëjnë me dije se lokali është në pronësi të shtetasit Tish Pali, 56 vjeç. Për pasojë janë shkaktuar vetëm dëme materiale.
Sakaq, vijojnë hetimet nga ana e policisë për identifikimin e autorit/ëve, si dhe dokumentimin e plotë të rrethanave të ngjarjes.
Por kush është Tish Pali?
Tish Pali është një emër i njohur për policinë. Në 2 mars të vitit 2021 është arrestuar së bashku me 6 persona të tjerë. Policia e Shkodrës arriti të kapte 160 kg kanabis sativa.
Mes të arrestuarve ishte dhe efektivi Kujtim Çuni. Droga e sekuestruar po transportohej me një autoambulancë të qendrës spitalore të Vaut të Dejës, me drejtim Malin e Zi. Gjatë operacionit, policia arriti të sekuestronte edhe 2 armë automatike.
Discussion about this post