Rita Ora është një ndër këngëtaret shqiptare më të preferuara në të gjithë botën, e cila së shpejti do të vijë në Shqipëri.
Mirela Koçollari, Drejtoresha e Përgjithshme e Promovimit të qytetit në bashkinë e Tiranës, ka postuar në rrjetet e saj sociale lajmin se në datë 6 shtator, në Tiranë, do të ketë një koncert të Rita Orës.
Koncerti i Rita Ora parashikohet të mbahet mbrëmjen e 6 shtatorit në sheshin “Skënderbej”, në kuadër të Tirana European Youth Capital 2022.
Tirana është Kryeqyteti Evropian i Rinisë për 2022 paraqitet si një makro program prej 365 ditësh, gjatë të cilave do i jepet jetë një kalendari projektesh me iniciativa e aktivitete të shumta, që shohin në qendër rininë, e cila implementohet nga Kongresi Rinor Kombëtar, në bashkëpunim me bashkinë Tiranë. Aktivitetet kanë qenë të shumta gjatë këtyre muajve, por ajo që do arrijë bujën është koncerti i Rita Orës.
Discussion about this post